پاکستان نے بھارت کو کبڈی فائنل میں عبرتناک شکست سے دو چار کردیا،سٹیڈیم پاکستان زندہ باد کے نعروں سے گونج اٹھا 11

پاکستان نے بھارت کو کبڈی فائنل میں عبرتناک شکست سے دو چار کردیا،سٹیڈیم پاکستان زندہ باد کے نعروں سے گونج اٹھا

لاہور (آن لائن) سپورٹس بورڈ پنجاب کے زیراہتمام ہونے والے انٹرنیشنل کبڈی ٹاکرا کا فائنل پاکستان گرین نے بھارت کو شکست دیکر جیت لیا جبکہ پاکستان وائٹ کی ٹیم نے ایران کی ٹیم کو شکست دیکر تیسری پوزیشن حاصل کی، بیسٹ ریڈر کا ایوارڈ جابر کمبوہ نے حاصل کیا، مشرف جنجوعہ بہترین جاپھی قرار پائے۔فائنل میچ کے مہمان خصوصی سینئر صوبائی وزیرعبدالعلیم خان، صوبائی وزیر کھیل وامور نوجوانان رائے تیمور خان بھٹی، سیکرٹری سپورٹس پنجاب ندیم محبوب،

ڈائریکٹر جنرل سپورٹس پنجاب ندیم سرور اور پاکستان کبڈی فیڈریشن کے صدر چودھری شافع حسین تھے، فائنل کے موقع پر پنجاب سٹیڈیم شائقین کبڈی سے کچھا کھچ بھرا ہوا تھا، سٹیڈیم میں وقفے وقفے سے پاکستان زندہ باد کے نعروں سے گونجتا رہا، شائقین نے بہترین کھیل کا مظاہرہ کرنے پر کھلاڑیوں کو بھرپور تالیاں بجاکر داد دی، تفصیلات کے مطابق سپورٹس بورڈ پنجاب زیراہتمام پنجاب سٹیڈیم میں انٹرنیشنل کبڈی ٹاکرا کا فائنل اتوار کے روز پاکستان گرین اور پاکستان وائٹ کی ٹیموں کے درمیان کھیلا گیا، دوپہر 3بجے شروع ہونے والے میچ کو ہزاروں شائقین نے دیکھا ، پاکستان گرین کے کھلاڑیوں نے بہترین کھیل کا مظاہرہ کرتے ہوئے دونوں ہاف میں بھارت پر برتری برقرار رکھی، پہلے ہاف میں پاکستان گرین کا سکور 23اور بھارت کا 15رہا، پاکستان گرین کے گھبرو جوانوں نے میچ کے اختتام تک اس برتری کو برقرار رکھا، پاکستان گرین کے کھلاڑیوں نے بہترین ریڈ کئے اور بھارتی کھلاڑیوں کو چت کرکے پوائنٹس حاصل کرتے رہے، شائقین کبڈی ہر پوائنٹ پر کھلاڑیوں کی حوصلہ افزائی کرتے رہے اور تالیاں بجاکر کھلاڑیوں کو داد دیتے رہے، سٹیڈیم میں پاکستان زندہ باد اور پنجاب حکومت زندہ باد کے بلند ہوتے رہے، پاکستان کی طرف سے جابر کمبوہ ، شفیق چشتی، خالد بھٹی نے بہترین ریڈ کئے اور پاکستان کے لئے پوائنٹس حاصل کرتے رہے، جبکہ جاپھی مشرف جنجوعہ نے بہترین کھیل کا مظاہرہ کیا اور بھارتی کھلاڑیوں کا سنبھلنے کا موقع نہ دیا اس طرح پاکستان گرین کی ٹیم نے بھارت کو 40-29سے شکست دیدی۔

مزید پڑھیں:  وزیراعظم کے مشیر عبدالرزاق داؤد کی کمپنی کو مہمند ڈیم کا ٹھیکہ،اس کمپنی نے بلوچستا ن کے ’’گروک ڈیم‘‘ کے ساتھ کیا، کیاتھا؟ حیرت انگیز انکشافات،نیاتنازعہ کھڑا ہوگیا

The publish پاکستان نے بھارت کو کبڈی فائنل میں عبرتناک شکست سے دو چار کردیا،سٹیڈیم پاکستان زندہ باد کے نعروں سے گونج اٹھا appeared first on Zeropoint.

Get More News

Download Best WordPress Themes Free Download
Free Download WordPress Themes
Download Premium WordPress Themes Free
Download Premium WordPress Themes Free
free download udemy course
download xiomi firmware
Download WordPress Themes
free download udemy course

اس خبر پر اپنی رائے کا اظہار کریں

اپنا تبصرہ بھیجیں